7-Eleven x Sanrio Characters全新一浪的換購活動蓄勢待發，一套十二款的Sanrio Characters毛公仔將由下星期三（即1月13日）開始，以cute爆動物造型扮嘢登場。這次換購活動將會是一眾Sanrio Characters首次以毛茸茸和扮動物的造型於7-Eleven獨家亮相，他們更坐上Hello Kitty熱氣球趴住升空，可愛度火速攀升，更能令你在新一年步步高升！
一套十二隻 扮乜扮物扮動物
今次7-Eleven x Sanrio Characters全新的12款公仔盡顯玩樂本色，陪大家於這個新年鬼馬扮動物。Sanrio人氣女王Hello Kitty扮成英姿颯颯的獅子，令本已人氣爆燈的她加添一份霸氣。平易近人嘅My Melody延續可愛特色，裝扮成紅黑色嘅甲蟲，令人眼前一亮！性格超hea嘅Gudetama，今次就扮萌爆又hea爆的小白兔。
農曆新年快將降臨，為迎接猴年到來，馬騮仔Monkichi決定搞搞新意思，特意扮成老虎，令自己喺新一年變得威武啲！另外，可愛開朗嘅大口仔Minna No Tābō扮成熊貓，繼續散發出強大嘅親和力！仲有其他扮嘢成員包括Ahiru No Pekkle扮小綿羊、人稱XO嘅Bad Badtz-maru扮恐龍、得意可愛嘅布甸狗Pompom Purin 扮小蜜蜂、而肉桂狗Cinnamoroll 就扮雞仔、Kerokero Keroppi扮烏龜，Kuromi扮蝙蝠，以及Hangyodon扮大象，粉絲萬勿錯過。
7-Eleven x Sanrio 「扮」動物毛公仔可作層層疊擺設及收藏用途，每款毛公仔更備有掛繩，方便將毛公仔作吊飾掛住出街，好玩又實用。
除了鬼馬扮嘢造型，12款毛公仔還會攀上毛茸茸又暖笠笠Hello Kitty熱氣球，一齊趴住開心升空，齊齊升高啲去欣賞新年新景象，象徵喺2016年步步高升！載住12位扮嘢毛公仔的熱氣球可以懸掛在屋企任意一個角落，仿佛成為立體揮春一樣，為大家送上祝福。
